Systragil

Erum að klára fríið okkar í Systragili hjá Óskari og Obbu í himnablíðu. Erum búin að vera í Ásbyrgi, Siglufirði og Steinstöðum og hafa það mjög gott.

Akranes (aftur)

Renndum á Skagann aftur á leiðinni norður eftir. Hér er allt fullt af Flökkurum (það er sama hvert við förum, hvergi friður ) Baldur og Eygló, Gísli og Hófí, Ingvar og Sigga, Villi og Vigga, Hallbjörn og vinkonan, Bjössi og Efemía, Maggi og Steinvör, Siggi Vatnsdal og frú. Höldum yfir Holtavörðuheiðina á morgun, líklega á Hvammstanga til móts við fleiri Flakkara.

Álfaskeið og Langbrók

Renndum í borgina frá Grindavík, golf með Guðmundi Árna og fórum svo upp að Apavatni og ætluðum að hafa það gott á félagssvæðinu mínu en þá var stæðið fullt (sjálfsagt af rafiðnaðarmönnum). Þá fórum við í Álfaskeið í Hrunamannahreppi, sem er upp á hól eða fjalli, og gistum þar eina nótt. Fórum um morguninn austur í Langbrók, þar sem Eyjafjallajökull er kolsvartur í bakgrunni, þar voru fyrir Jóna Margrét systir mín og hennar kall, Einar. Þau buðu okkur í mjög skemmtilega og fróðlega ferð í Bása í Þórsmörk á jeppanum þeirra, ótrúlegt að sjá þetta. Morrum hérna í blíðunni og nennum ekki að róta okkur, mjög skemmtilegur staður og hér er rólegt og gott að vera.

Grindavík

Erum lent í Grindavík eftir stutt stopp í Víkurverki og IKEA, sama himnablíðan og mjög flott tjaldstæði.

Kv. HG og Bebba

Sumarfrí 2010!!!!

Nú erum við komin í sumarfrí og erum stödd á Akranesi í himnablíðu, 15 - 20° með síðdegisskúrum. Hér eru líka Gunni og Solla, Gísli og Snjólaug, Elli og Inga frá Húsavík, Dandi í JMJ, Júlli í Brynju og fullt af öðru liði sem ég þekki ekki neitt, stappað tjaldstæði.

Kv. HG og Bebba

Golf og berjaferð

Við fórum föstudagskvöldið 24.ágúst út í Svarfaðardal á húsbílnum og gistum um nóttina við Tungurétt. Morguninn eftir fór ég í golf og Hrefna tíndi ber á meðan. Seinnipart laugardags keyrðum við inn í Krossastaði í Hörgárdal þar sem voru nokkrir félagar okkar á húsbílum. Þar voru tínd ber í ómældu magni, farið í göngutúra o.fl., og svo heim seinnipart sunnudags.

Fleiri myndir í albúmi